Éclats de rime

Fell-i, dayen, t-tameddit Ifuk ṭṭmaɛ di lahna Acu lḥiḍ ur d iy-newwit Tugi ad iy-tebru lmaḥna Akka i s-d-cfiɣ i ddunit Zgiɣ megreɣ-d ttḥatit Tagara ur iy-d-ṣaḥ tubbit Mi d-luleɣ i iy-teṭṭef ccaḥna

Yezwi-yi wurrif, dayen, isbek walleɣ-iw utlif, ccib si tura, yesqwecṛ-iyi lḥif, ddiɣ di lebɣi i wasif, laεyub tazzwara, yeffeɣ-iyi wadif, a ttemdarkaleɣ am ukrif, ur d-igwri wara.

Yegla usaɛdi s usexḍi Lemḥibba yefra ssuq-is Yuɣal ddraɛ d lqaḍi Wi' irnan wayeḍ ičča laḥq-is Di lxiṛ wer d-igwri maḍi Cceṛ yettaɣ-ed amḍiq-is Negwra-d di zzman d aqeḥḍi Lukan tengir d lweqt-is

Kifac tqabel lmiεad ya lli ɣeṛṛatu lfanya win ṛahum "Tamud" u "Σad" win ṛah "Ferεun" ṭṭaɣya "Iṛama-Dat-Lεimad" u kul slaṭen ddenya lukan fiha lxiṛ ya εbad ma yheğṛuha l anbiyya

Ma tṛuḥeḍ nṭaṛṛaɣ ma teqqimeḍ akteṛ d leḥsab-iw mi i kem-xtaṛeɣ i d-iḍḥan yexsaṛ ma ruɣ anwa ar' a ɣiḍaɣ ur yenfiε sbaṛ

Taqqerseḍ-d si Ṛebbi ar waɛtuṛ tjemmleḍ yir lahduṛ di lɛemṛ-ik 'd-uriweḍ iseɣ ɣur leḥya tebniḍ ssuṛ mi tduxleḍ laɛṛuṛ wi' iwwet Ṛebbi a deg-k yemmeɣ tura anida tgerḍ tbuṛ ur d-igwri wemḍuṛ targa-k ɣur tesga i k-teffeɣ Abdellah Hessas (2001)