Yir zzman

Yegla usaɛdi s usexḍi

Lemḥibba yefra ssuq-is

Yuɣal ddraɛ d lqaḍi

Wi' irnan wayeḍ ičča laḥq-is

Di lxiṛ wer d-igwri maḍi

Cceṛ yettaɣ-ed amḍiq-is

Negwra-d di zzman d aqeḥḍi

Lukan tengir d lweqt-is

Ddunit teggul, lewqam..

Ur taɛdil yid-s ar ttenger

Yeɣli nnif, yekfa umsefham

Taɛya nniya, ifuk leqdeṛ

Lxiṛ d cceṛ yemsalam

Lbaṭel s lḥeq la yheddeṛ

Laman d mmis n leḥṛam

Win t-ittaken awer yekker

Tebbwi tuwdayt tirrugza

Ulac wara d-yeč wul-is

Nnif s zzux ig enza

Ttṛebga tuɣal deg-'dis

Muḥend yuɣal d Wiza

Faḍma tebra i wergaz-is

Tura, anwa i d "izem n tizza"

D win yemnaɛn iman-is

Wi' isɛan nniya d "laman"

Muḥal di ddunit yuyes

Xas lbaṭel ifka iẓuṛan

Lḥeq ad-yettwasukes

Xas aṭṭan di yal amdan

Yibbwas, yiwen ad-yefriwes

Xuḍi irgazen am ṛṛemman

Lmuz, leḥlu d lqaṛes

Abdellah Hessas (2005)