Rechercher dans ce blog

samedi 2 février 2019

Músico

Inɛel bu lmutt i k-yeddmen
teǧǧa-yi-d deffir a gma
a yargaz yifen irgazen
ṛuḥ a yaɛziz beslama
ḍelbeɣ di Ṛebbi ɛzizen
a k-yefk amkan di ṛṛaḥma

fell-ak yekkat ugeffur
ur zmireɣ a gma a k-ɣummeɣ
deg mi-w kkawen lehduṛ
imi dayen ur ak-selleɣ
xas a gma akka i d ak-teččuṛ
iɣaḍ-i tezwareḍ-aneɣ

Anwa izmern ad iy-wanes
nek ittganin ad-kecmeḍ
yegumma wul a k-yayes
amek akka ur d-ttuɣaleḍ
amek ara yi-d-yas yiḍes
di lexla weḥd-ek teẓleḍ

Lukan d lhemm ad yefru
neɣ ad ṣberɣ ad iɛeddi
lemmer d lelak ad yeḥlu
neɣ ad yifsus s ddwawi
lmutt-ik a "Músico"
d igenni i d-yeɣlin fell-i

Abdellah Hessas
2/2/2019 2:43

2 commentaires:

Kenshin amsebrid a dit…

Azul fellak je vous tir chapeau Mr.

Abdellah Hessas a dit…

Tanmirt