Version Conflict: Imjeggeḥ

A nneqḍ-ik ma di itenwiḍ
yes-i at-tegluḍ di tlufa-k
tacmatt-ik deg tettawiḍ
tefka-d nnaɛt l-lḥirfa-k
nek ɛafeɣ izergwan teṛwiḍ
umasriɣ-asen i ṣṣifa-k

Ɛyiɣ

 Leqdeṛ yemṛarɣen, yerwi

Ula d wur neswi

Yeṭturrec deg-i la ynebbec

A neḥemmel ayen ur d aɣ-nehwi

A nebɣu ur nenwi

Kulc lɛib ad-yesṭuṭtec

A Ṛebbi dawi neɣ awi

Aɛyiɣ di dwawi

Yečča-yi uḥebbeṛ af kullec

Tayri-m

Yir sɣar

Yir sɣar ur t-ttleqqim

Xas yeṛwa ur yettaɣ aẓar

Yir serdun ur t-deqqim

Ur yettɛebbi ur yettwanhaṛ

Yir mdan hdeṛ neɣ qim

D lmuḥal ad yerr aḍar

At Buyaḥya

S wannuz u ṭaɛa anerzu

Di lahna nneɣ iwwet iɣisi

Ddunit deg-neɣ tettazu

Laxeṛt tugi ad-steqsi

D Ṛebbi, d kunwi ay nettṛaju

A ṣellaḥ deg "at ɛisi"

Abrid-im

Ẓzay webrid ɣer lǧiha-m

Kra lḥiɣ ndemeɣ deg-s

Rẓaget lhedṛa fell-am

Isem-im igezzem-iyi iles

Ass mi sliɣ tgiḍ axxam

Ay hennaɣ ṛwiɣ iḍes

Nfiɣ udem-im si lemnam

Lexyal-im friɣ yid-s

Yir ṛṛay

Ɣur-k at-tlummeḍ di medden

Ma tefkiḍ lebɣi i ṛṛay-ik

Ḥader ifassen-ik a ttcudden

A tt-tefsiḍ s wuglan-ik

Ddunit d wi' ibedden

Agma ɛzizen lli-d allen-ik