Abrid-im

Ẓzay webrid ɣer lǧiha-m

Kra lḥiɣ ndemeɣ deg-s

Rẓaget lhedṛa fell-am

Isem-im igezzem-iyi iles

Ass mi sliɣ tgiḍ axxam

Ay hennaɣ ṛwiɣ iḍes

Nfiɣ udem-im si lemnam

Lexyal-im friɣ yid-s

Yewɛaṛ lebɣi yettmennin

Lebɣi nni f´ issuref lḥal

Tewɛaṛ temɣweṛ d-ittmektin

Temẓi nni ur d-nttuɣal

Ssmaḥ yewǧeb tuɣalin

Tuɣalin-im d lmuḥal

A tin i yi-ssɣern ´g-urfan

Ad am-sselmedɣ ṣsbeṛ

Ass ma ara m-d-gwrin wussan

Ayen texdemḍ ad-yeḥdeṛ

Kra sɛeddaɣ d ameẓyan

Ad am-d-igwri di temɣweṛ

Smendeg deg-sufa n tismin

Akken ad-yemɣiɣed wul-iw

Ass mi yeddeqdeq t-tirgin

Ur taɛlimeḍ anda ṛreḥl-iw

Tura mi ḍalleɣ i ṛabɛin

A kem-id-qqenɣ i ccib-iw

Ur nennuɣ akken ad tefruḍ

Ur nemxallaf an-nehdeṛ

Timucuha ara d-ḥekkuḍ

Neɛya deg-sent ay' nefser

Tadukli i ssi ara tqelluḍ

Tekkseḍ fell-as, dayen, sser

Abdellah Hessas (1998)