At Buyaḥya
S wannuz u ṭaɛa anerzu
Di lahna nneɣ iwwet iɣisi
Ddunit deg-neɣ tettazu
Laxeṛt tugi ad-steqsi
D Ṛebbi, d kunwi ay nettṛaju
A ṣellaḥ deg "at ɛisi"
Neǧa lewhi nwen nenfel
Neḍfeṛ abrid n Cciṭan
Lemliḥ deg-neɣ d lɣafel
Yuɣ aẓar deg-neɣ waṭṭan
Neqsed-d ttuba a neneffel
Ansefḍ ifassen ixeṭṭan
Dɛut-aɣ a nettwaqbel
Ad yekkes lḥif i ɣ-yenṭan
A ttesɛa w ttesɛin lemqam
D kra yellan d lwali
Naɛceq di zzhu akwed leḥṛam
Nesmuqul, nugi a nwali
A kra bw-ijebbden leqlam
Yeɣran settin d uṣelli
Naɛna-kwen-id s Nnbi d Limam
Nessarem a nbeddel tikli
Ncaḍ nugi a nesteqnaɛ
Deg-wayen i y-d-iḥudd lmektub
Ṛaḥma n Ṛebbi tewsaɛ
Nextaṛ iberdan n ddnub
Win yeṭṭefen deg-wen yemnaɛ
S Ṛebbi ad yaweḍ lmaṛɣub
Di laxeṛt ad yettwacfaɛ
S laɛnaya n Nnbi lmuhub
A ṣellaḥ n "at Buyaḥya"
Sebbebt-aɣ tullya
Ay at wakal aberkan
Nqesdi-kwen-id s nniya
A nemḥu ssiya
S Ṛebbi d wid i t-yaɛnan
Dawi-yaɣ, aqel-aɣ naɛya
Neḍleb laɛnaya
A Jeddi Abḍella w Ḥessan
Abdellah Hessas (1997)
Commentaires