Laḥbab

Abbuh ! aqel-aɣ nebbuṣa
nettru armi neḍṣa
taḍṣa l-lxiq tugar lmutt
gar-awen ṛṛaḥba tarṣa
a laḥbab neḥṣa
terram-aɣ t-tamacahutt


A ṛṛay-iw ṛwu ṛṛay-ik
ḥed wer k-ittsellik
mi teɣliḍ deg ulawen
ay ul-iw i laḥbab-ik
tɛuzzeḍ am allen-ik
tenṭeṛḍ ur tecqiḍ yiwen
ay ixef-iw fehm iman-ik
ḥader at-tyileḍ am zik
laman yettṛebbi iɛdawen

Huddeɣ aɛni, huddeɣ ṣṣellaḥ
mi ddiɣ deg meṣlaḥ
sebḥanek a Llah, acuɣer ?
seg-mi i d-ekker-ɣ d aṭuṭaḥ
aɛniɣ kan leṣlaḥ
a y-d-ssuksen di temɣwar !
anida-t weḥbib n ṣṣaḥ
bexlaf aceṭṭaḥ
yif-it di lḥewǧ "ulayɣer"

Laḥbab ukud nemwalaf
cabeɣ d axalaf
ḥesbeɣ-kwen deffir tellam
amzun d aqjun yesseglaf
aẓri-w ar kwen-yaf
tɣabem ula di lemnam
ur nwiɣ an-nemxallaf
ur yelli lxilaf
Ṛebbi d anagi, taẓram

Dayenni, giɣ tilisa
rṣiɣ tigusa
umasriɣ leḥmala n-wen
taluft asmi d iy-teksa
yiwen ur d-isteqsa
gguniɣ-kwen yiwen yiwen
nettwet yukw, deg-i i tensa
mi tefra lmissa
rrebḥ-iw d imeṭṭawen

Commentaires

Posts les plus consultés de ce blog

Yelli...