Mmektaɣ-kem-id

Mmektaɣ-kem-id, tbaɛdeḍ

yeccarew uksum yefrawes

s lhiba-m i d iy-tmelkeḍ

ul igezmen yeftutes

Acuɣer i kem-id-mmektaɣ

ugaren-iyi imeṭṭawen

ger leḥyuḍ deg i d-gwraɣ

d ṣṣut-iw i d-yuɣalen

a tin aɛzizen ntaṛṛaɣ

bɣiɣ an-negɣ afriwen

Mi iy-teǧǧiḍ si lḥif weṛteɣ

lxiq yebda deg-i awaci

mi tɣabeḍ ay aṭṭan ɣellteɣ

ur s-izmir ḥed di lɣaci

dayen ẓriɣ, yis-em ttewteɣ

d kem i ttwaliɣ di kulci

Tendef tasa, tiṭ tettru

mmektaɣ-kem-id deg-yir ussan

tezdeɣḍ-iyi usu d wustu

d aṭṭan-im i d iy-irḥan

temlekḍ alleɣ-iw d abandu

anwa ṭṭaleb i d am-yuran

Wekkleɣ-as Ṛebbi i ddunit

sani rriɣ qubelɣ llḥiḍ

kwellefɣ-as Ṛebbi i targit

i y-iǧǧan ttnaṣfa g-iḍ

mi d-ukiɣ, a tawaɣit !

bexlaf ṭṭlam d usemmiḍ