Tamurt-iw

Tekkaw tmurt-iw teqquṛ
teḥced armi d ulamek
neḍmaɛ di nnegr-is amḍur
di lǧayeḥ ad tt-id-isellek
fukken yergazek si zzuṛ
lḥeq yuɣal d ameɛlek
a wi' immuten ad yekkes ugur
a wi' iddern ad iẓer amek


yuɣal ddin d amqameṛ
kulci deg-s a t-nettɣunfu
lemmer illi deg-neɣ lameṛ
xeṛsum yiwen a s-d-yecfu
lamaɛna akka-gi i d-nekker
nḥedṛ-as ad-yettnulfu
lukan ddin d ačamar
aqelwac ad ifetu

ar zdat i gwehha ttexmam
lemmer d ur ɣ-icciḍ laḥsab
ar lfaɛl i gwehha lewqam
s wawal nẓewṛ uk i ṣṣwab
nefka leqyan i waɛmam
neǧǧa leqṛaya d laɛtab
maras ma yezwar s axxam
ul' i d-ga tmazirt ma tṣab

Abdellah Ḥessas (2015)