M-allen tizegzawin

A m-allen tizegzawin

At-tṛuḥeḍ, a kem-awin

Dayen, lhem ɣur-i istufa-d

Yehlek wul wa' a t-idawin

Lecɣwal-iw rwin

Mkul lɛib yennulfa-d

A wi' i m-yeḥkan mi tuliḍ

D nnegr ur tukiḍ

Ṭtebl iḥebbek am ṛrṣaṣ

Mennaɣ wi' iddan d acettiḍ

Xas d win taɛyiḍ

Ammar ad yifsus layas

Annaɣ, ay ɣuzzifeḍ a yiḍ

Yes-i a yul tegliḍ

Fell-aɣ wis' ma ad-yali wass

A wi' i m-yuqlen t-tahendit

Ṣsbaḥ, tameddit

Ad yeṛwu yid-em iɣimi

A m-yefk sser n teqwbaylit

Lhiba n tjaddit

S cṛacef icebbḥen timmi

Felli mi teddiḍ t-tislit

I tekfa ddunit

Teẓṛiḍ ma gwraɣ-d, i wumi ?

A wi' i m-yuqlen d amesyas

Ttḥibbin-t tullas

Ad icebbeḥ iɣil inem

Deg-ufus ayfus a m-d-yas

A m-yernu lqima-s

Yer lfuṛuḥ yedda yid-em

A kem-iwanes am yiḍ am ass

Fell-am d aɛessas

Ayen i tmennaḍ, a m-t-ixdem

A wi' i m-yuqlen t-tasumta

Mkul nnehta

Seg-ul-im ad as-sleɣ

A m-ẓiẓdeɣ tanafa

A m-cebbḥeɣ tirga

Ma tukiḍ, a kem-wanseɣ

A m-d-ḥkuɣ timucuha

Arma tefrara

Ma tqeggelḍ, ad-uɣaleɣ

Åbdellah Hessas (1980)