lemḥibba nni

Anida-tt lemḥibba nni

Ss-i i y-d-lliḍ tibbura

Xas mdel ula d igenni

Ma ɣur-m i llant tesura

Nek akud-m dayenni

Gar-aneɣ ur d-igwri wara

Zerɛaɣ lxiṛ seg ul-iw

Ad t-leqmeɣ d lemḥibba

D uguren i d-iger yiger-iw

Taluft tettnadi ssebba

Nek fell-am ṛehneɣ temẓi-w

Teǧǧiḍ-d afwaḍ-iw yebbwa

Teǧǧiḍ-d aṭṭan-im d aṛfiq

Tazmert-iw tezga teqwceṛ

Ṣṣebṛ ihucc-it lxiq

Qlalḥeɣ deg laɛwaceṛ

Texlefḍ-id deg ul amḍiq

Tenwiḍ ḥedd ur t-ittacaṛ

Tibṛatin nni n tayri

Ilaq, assa, ad sserɣeɣ

Ad tent-ǧǧeɣ d anagi

Ɣef temẓi-w yid-m weddṛeɣ

Ma tenwiḍ lehna, ttu-yi

Mači d kem, dayen, i ḥemleɣ

Ma yella zzehṛ-iw yemmut

Kem, fell-am yeffeɣ waɛbaṛ

Asmi ara tnadiḍ f ttbut

Ad tafeḍ i m-d-igwran d ṣṣbaṛ

Ayen yuk nemyenna ttu-t

Ṣṣeṛ-iyi a kem-ṣṣeṛeɣ, meqqaṛ

Abdellah Hessas (1978)