Tannumi

Xas ṛuḥ di lahna a m-timmi

Amar ur kem-uklaleɣ ara

Ma sḥasfeɣ ula' i wumi

Ma ṣbaṛɣ ur tettuɣ ara

Acḥal teshel tannumi

Lefṛaq ur s-zmireɣ ara

Assa-gi at-tgaǧeḍ a tumliḥt

S wa' tegluḍ yid-m ur teẓriḍ

At-tawiḍ seg ul tacriḥt

Kul nnegta a yi-d-mmektiḍ

Amek ara s-geɣ i taṛwiḥt

S axxam n medden ay teddiḍ

At-tṛuḥeḍ a sser n lesrar

Mennaɣ-am win d iy-ifen

A yi-teǧǧeḍ iɛedda-yi ccwaṛ

S taɣratin d iqeffafen

A wi' iddan yid-m amecwaṛ

Xas ad yuɣal di lekwfen

D zzehṛ ay d-yettawin

Nek zzehṛ-iw yettwanqeḍ

At-tṛuḥeḍ a sser n tlawin

Teḥzen lḥaṛa a tt- teǧǧeḍ

A m-allen tizegzawin

Budeɣ-am lehna d iy-tekkseḍ

Abdellah Hessas (1980)