Lefṛaq

A Ṛebbi ayɣer d iy taɛkes

Armi bḍiɣ yid-es

Taɛzizt i ḥubbeɣ, acuɣer ?

Amendeṛ amek tga weḥdes

Ma tectaq iḍes

Neɣ terẓa naddam, meqqaṛ

Ma d nek, la gganeɣ af tmes

Zgiɣ d afriwes

Yibbwas ad yeddu laɛmaṛ

A taɛzizt alleɣ-iw icaḍ

Usu-w d asemmaḍ

Afwad-iw, ɣer daxel, ifuṛ

Seg 'meṭṭawen iẓri-w ifaḍ

Ṣṣut yenneqmaḍ

Ugin a yi-d-alin lehduṛ

Ddunit tefka i walbaḍ

Mi tekkes i wiyaḍ

Tezzi-asen s uzagur

Ma nniɣ-am duben iɣsan-iw

Fukken idisan-iw

Mači d yiwwet ad a s-ḥessaɣ

Ma ṭṭ saɣ, abbuh!, d aksum-iw

Ma kkerɣ ay ul-iw

Mi sliɣ i dderz frawsaɣ

Inger ula d imeṭṭ-iw

Kkawent wallen-iw

Ay' yi-d-ifnan ad ḍsaɣ

A taɛzizt lxaṭeṛ issaḍ

Ṣṣbar yemxebbaḍ

Ṣṣuṛ yettḥennig ṣṣuṛ

Ɛelmeɣ s ddunit tessqaḍ

Ddiɣ di leɣwlaḍ

Nek laɛmaṛ, wellah, i yi-tɣuṛ

Bexlaf temẓi inem tettɣaḍ

Ma d nek giɣ ablaḍ

Ɣef ul-iw, dayen, yeččuṛ

Abdellah Hessas (1985)