Ma d lḥif

S takna ittemyejlaqen
t-tecrikt-is di lmeḥna
s werbib yesmeḥtilen
tisigar ineggura
s uxemmas yettmeggilen
ayen ur t-id-nettṣaḥ ara

Ad ak-ggalleɣ ay aḥbib
ur yelli d acu i k-yuɣen
ma d lḥif, anwa ur naɛtib
bexlaf wigad yemmuten

S tnifit yenqeḍn nnif
akke at-tsselqweḍ arraw-is
s lfahem ijbedn ar rrif
yesnaf ad yeǧǧ si leḥq-is
s umeɣbun yextaṛen lḥif
akken a t-yekkes f lmetl-is

Ad ak-ggalleɣ ay aḥbib
ur yelli d acu i k-yuɣen
ma d lḥif anwa ur naɛtib
bexlaf wigad yemmuten

S tgujilt ibuṛen ur taɛlim
aṭas ay' tt-yettmennin
s weɣyul yettwetn af alim
i wakken ad yettu timẓin
s warrac yectaqen alqim
ṭṭsen s zzhu n temɛayin

Ad ak-ggalleɣ ay aḥbib
ur yelli d acu i k-yuɣen
ma d lḥif anwa ur naɛtib
bexlaf wigad yemmuten

S tuǧǧal timeẓyanin
imeǧǧden deg laɛwaceṛ
s win yerran timedlin
ɣef win aɛzizen am laɛmaṛ
s ugujil deg lwaldin
fell-as menwala iḍebbaṛ

Ad ak-ggalleɣ ay aḥbib
ur yelli d acu i k-yuɣen
ma d lḥif anwa ur naɛtib
bexlaf wigad yemmuten

Abdellah Ḥessas (1986)