Lahna s tiṛẓi

Ah ! nek d aseggwas mebla tafsut
kesbeɣ laɛmeṛ wer nesɛi temẓi
ccib yečča-d ixef-iw ɣer tebburt
mazal at-taɣeɣ lahna s tiṛẓi

Lḥiɣ s anda ur bbwiḍen iberdan
nudaɣ f' zzehṛ ula anda ur yelli
leqqemɣ lfakya, ilɣan d iḥecdan
ttejṛa-w wer ǧin d-efki imɣi
ta sɣur Ṛebbi tayeḍ sɣur wemdan
mi ɣliɣ, kker
ɣ, ad ɛiwdeɣ ɣelli

Laɛmeṛ yeffeɣ iṭij-iw usigna
yezga af ixef-w ṭlam d usemmiḍ
deg jifeṛ-iw i tettarew lmaḥna
mi sbeṛɣ, kkerɣ, ad aɣeɣ ineffiḍ
ttwetɣ ttaṛ ur s-zimreɣ ara
mi y-d-irra lḥiḍ, a y-d-immager lḥiḍ

Asmi d iyi-nnan "tebbwiḍ ddnub"
rriɣ lxiṛ i win yi-xdemn cceṛ
hdeṛɣ ayen ur ttawin lektub
crewɣ ayen ur yessureg yeɣzeṛ
ṣbeṛɣ ayen ur yeṣbiṛ Sidna-Yub
ddel bubbeɣ ur t-erfiden idurar

Commentaires

Anonyme a dit…
Tannemirt a zizi :)

Ml.H3n
Abdel Hessas a dit…
Tanmirt i keč 🙂
Unknown a dit…
Merci. Zizi. Abdellah. Ya3tek. Saha. Et. Bon. Courage
Abdel Hessas a dit…
Tanmirt a Hakim
Anonyme a dit…
Vous êtes un génie, M. Hessas
Thanemirth
Abdel Hessas a dit…
Tanmirt 💖

Posts les plus consultés de ce blog

Yelli...