Souffle de beauté

Ah ! nek d aseggwas mebla tafsut kesbeɣ laɛmeṛ wer nesɛi temẓi ccib yečča-d ixef-iw ɣer tebburt mazal at-taɣeɣ lahna s tiṛẓi

Mmektaɣ-kem-id, tbaɛdeḍ yeccarew uksum yefrawes s lhiba-m i d iy-tmelkeḍ ul igezmen yeftutes

Abbuh ! aqel-aɣ nebbuṣa nettru armi neḍṣa taḍṣa l-lxiq tugar lmutt gar-awen ṛṛaḥba tarṣa a laḥbab neḥṣa terram-aɣ t-tamacahutt

A nneqḍ-ik ma di itenwiḍ yes-i at-tegluḍ di tlufa-k tacmatt-ik deg tettawiḍ tefka-d nnaɛt l-lḥirfa-k nek ɛafeɣ izergwan teṛwiḍ umasriɣ-asen i ṣṣifa-k