Imjeggeḥ

A nneqḍ-ik ma di itenwiḍ
yes-i at-tegluḍ di tlufa-k
tacmatt-ik deg tettawiḍ
tefka-d nnaɛt l-lḥirfa-k
nek ɛafeɣ izergwan teṛwiḍ
umasriɣ-asen i ṣṣifa-k


Terkebḍ ṭṭefṛ b-walleɣ-ik
tenwiḍ dayen iḍmen waggwaḍ
tɣileḍ mi terkelḍ imɣi-k
ad-emgerḍ iger b-walbaɛḍ
ur tesɛi lmelḥ tmerɣ-ik
anda tessebwḍ a k-icaḍ
xas ṛuḥ err bab i yiseɣ-ik
ttaṛ yettmečč d asemmaḍ

I terreḍ lḥedd i ymenɣi-k
i lehna-k xeṛz icifaḍ
lxiṛ iɣunfan lebɣi-k
ur t-ttgani ɣer wiyaḍ
zegged-as aman i iɣi-k
qebl a k-yaẓay d aneggaḍ
at-tesburreḍ amelɣiɣ-ik
ɣaf ad yeddu di luɣlaḍ

Abdellah Hessas (2017)