Tamara

Tḍall i lḥedd tmara

Mi nwiɣ ad ǧǧeɣ tamurt

Medleɣ-d irkul tibbura

Ass m' akk-n sṛebkeɣ tabburt

Dayen, ɛyiɣ deg-wen meṛra

Ṛuḥeɣ ad mmagreɣ tafsut

Tewwet-iyi tmaggart n-wen

Kul yiwen ad yeṭṭef abrid-is

Ɛyiɣ, umasriɣ-awen

Tamara tzegr lḥdd-is

Ass mi a' tekker gar-awen

Yal wa a d-feḍḥen laɛyub-is

Dayen ɛyiɣ di tmucuha

Yegguma ad yekfu wawal

Xas yid-wen yiwen yelha

Ad as-d-snulfum ccwal

Ul-iw d lhemm-is yezha

Fell-awen ur d-iqqim sswal