Éclats de rime

  Leqdeṛ yemṛarɣen, yerwi Ula d wur neswi Yeṭturrec deg-i la ynebbec A neḥemmel ayen ur d aɣ-nehwi A nebɣu ur nenwi Kulc lɛib ad-yesṭuṭtec A Ṛebbi dawi neɣ awi Aɛyiɣ di dwawi Yečča-yi uḥebbeṛ af kullec

Yir sɣar ur t-ttleqqim Xas yeṛwa ur yettaɣ aẓar Yir serdun ur t-deqqim Ur yettɛebbi ur yettwanhaṛ Yir mdan hdeṛ neɣ qim D lmuḥal ad yerr aḍar

S wannuz u ṭaɛa anerzu Di lahna nneɣ iwwet iɣisi Ddunit deg-neɣ tettazu Laxeṛt tugi ad-steqsi D Ṛebbi, d kunwi ay nettṛaju A ṣellaḥ deg "at ɛisi"

Ẓzay webrid ɣer lǧiha-m Kra lḥiɣ ndemeɣ deg-s Rẓaget lhedṛa fell-am Isem-im igezzem-iyi iles Ass mi sliɣ tgiḍ axxam Ay hennaɣ ṛwiɣ iḍes Nfiɣ udem-im si lemnam Lexyal-im friɣ yid-s

Ɣur-k at-tlummeḍ di medden Ma tefkiḍ lebɣi i ṛṛay-ik Ḥader ifassen-ik a ttcudden A tt-tefsiḍ s wuglan-ik Ddunit d wi' ibedden Agma ɛzizen lli-d allen-ik

Yegla usaɛdi s usexḍi Lemḥibba yefra ssuq-is Yuɣal ddraɛ d lqaḍi Wi' irnan wayeḍ ičča laḥq-is Di lxiṛ wer d-igwri maḍi Cceṛ yettaɣ-ed amḍiq-is Negwra-d di zzman d aqeḥḍi Lukan tengir d lweqt-is

Abbuh ! aqel-aɣ nebbuṣa nettru armi neḍṣa taḍṣa l-lxiq tugar lmutt gar-awen ṛṛaḥba tarṣa a laḥbab neḥṣa terram-aɣ t-tamacahutt

Am ek ara yexḍu i ssiyya Win yettɛicin di ssiyyat Ula d aḍebbal dɣa Ad yettu ahuzzu n tuyat Win yemɣunzan d leḥya Werǧin iḥezzeb i tifrat Xas ad yeddari nniyya Yettban usigna s' tekkat

A yaxxam deg i luleɣ Ay' laɛbeɣ di leḥnaḍ-ik Ttwetɣ, zziɣ, lluẓeɣ Rran-iyi-d leḥyuḍ-ik Tecfiḍ-iyi amek i d-kkreɣ Am yiwen seg-warraw-ik Akken bɣuɣ lhiɣ, xuṣseɣ KṚEHN-IYI IMAWLAN-IK

Yeṭṭef-iyi zman cceḥna Yeẓẓel iḍarren deg-i layas Amendeṛ a y-tebru lmeḥna Yib-ass fell-i ad yali wass A yiḍ ṭṭes di lahna Aqel-i fell-ak d aɛessas

Tḍall i lḥedd tmara Mi nwiɣ ad ǧǧeɣ tamurt Medleɣ-d irkul tibbura Ass m' akk-n sṛebkeɣ tabburt Dayen, ɛyiɣ deg-wen meṛra Ṛuḥeɣ ad mmagreɣ tafsut

Nekkaw  nuɣal d isɣaren Neɣli am yemḍuren Yef allen isberber-d ṭlam Nkerf  ifadden qquren Nekfa, d imɣaren Yal aṭan a ɣ-d-ittsawam T-tamara i ɣ-yezzuɣuren Wammag iḍarren Ur d-ǧǧin deg-sen laɛwam

A yekkat wegris fell-i ẓayet tduli nadam iɣunza-iyi uḍan yexsef yiṭij-iw yeɣli dayen ur d-ittali lfeṛḥ siwa ayen iɛed dan ddunit-iw tessuli Am ass-a d iḍelli t-targit i ɛeddan wussan

Inɛel bu l-lmutt i k-yeddmen I y-d-iǧǧan deffir-k a gma a yargaz yifen irgazen ṛuḥ a yaɛziz beslama ḍelbeɣ di Ṛebbi ɛzizen a k-yefk amkan di ṛṛaḥma

Ah ! nek d aseggwas mebla tafsut kesbeɣ laɛmeṛ wer nesɛi temẓi ccib yečča-d ixef-iw ɣer tebburt mazal at-taɣeɣ lahna s tiṛẓi Laɛmeṛ yeffeɣ iṭij-iw usigna yezga af ixef-w ṭlam d usemmiḍ deg jifeṛ-iw i tettarew lmaḥna mi sbeṛɣ, kkerɣ, ad aɣeɣ ineffiḍ ttwetɣ ttaṛ ur s-zimreɣ ara mi y-d-irra lḥiḍ, a y-d-immager lḥiḍ

Mmektaɣ-kem-id, tbaɛdeḍ yeccarew uksum yefrawes s lhiba-m i d iy-tmelkeḍ ul igezmen yeftutes

Abbuh ! aqel-aɣ nebbuṣa nettru armi neḍṣa taḍṣa l-lxiq tugar lmutt gar-awen ṛṛaḥba tarṣa a laḥbab neḥṣa terram-aɣ t-tamacahutt

Tekkaw tmurt-iw teqquṛ teḥced armi d ulamek neḍmaɛ di nnegr-is amḍur di lǧayeḥ ad tt-id-isellek fukken yergazek si zzuṛ lḥeq yuɣal d ameɛlek a wi' immuten ad yekkes ugur a wi' iddern ad iẓer amek

Ḥ emlaɣ-kem mači af zzin E nwiɣ yid-em i sin S lqis nneɣ i nemyufa S eg-ɣublan lexwateṛ rwin A sif id yi-bwin S eb´beɣ netta yestufa A y' cerweɣ medden ur ẓrin B ubbeɣ-am ayendin D aɛwessu, ddel, tilufa E zwiɣ deg-ul d amuḍin L ahmum d tiɣalltin L eḥzen ɣur-i ig staɛfa A yen i m-buddeɣ ur d am-tennin Ḥ esbeɣ dima t-tin T uqleḍ, ziɣen, d llafɛa Abdellah Ḥessas (1988)