Nekkaw nuɣal d isɣaren Neɣli am yemḍuren Yef allen isberber-d ṭlam Nkerf ifadden qquren Nekfa, d imɣaren Yal aṭan a ɣ-d-ittsawam T-tamara i ɣ-yezzuɣuren Wammag iḍarren Ur d-ǧǧin deg-sen laɛwam
Leqdeṛ yemṛarɣen, yerwi Ula d wur neswi Yeṭturrec deg-i la ynebbec A neḥemmel ayen ur d aɣ-nehwi A nebɣu ur nenwi Kulc lɛib ad-yesṭuṭtec A Ṛebbi dawi neɣ awi Aɛyiɣ di dwawi Yečča-yi uḥebbeṛ af kullec
Commentaires