Éclats de rime

Tekkaw tmurt-iw teqquṛ teḥced armi d ulamek neḍmaɛ di nnegr-is amḍur di lǧayeḥ ad tt-id-isellek fukken yergazek si zzuṛ lḥeq yuɣal d ameɛlek a wi' immuten ad yekkes ugur a wi' iddern ad iẓer amek

Ḥ emlaɣ-kem mači af zzin E nwiɣ yid-em i sin S lqis nneɣ i nemyufa S eg-ɣublan lexwateṛ rwin A sif id yi-bwin S eb´beɣ netta yestufa A y' cerweɣ medden ur ẓrin B ubbeɣ-am ayendin D aɛwessu, ddel, tilufa E zwiɣ deg-ul d amuḍin L ahmum d tiɣalltin L eḥzen ɣur-i ig staɛfa A yen i m-buddeɣ ur d am-tennin Ḥ esbeɣ dima t-tin T uqleḍ, ziɣen, d llafɛa Abdellah Ḥessas (1988)

Uḥsifen i iqqedn afwad-iw akken lḥif ur d iy-nekni tiderriyin n ṣṣebṛ-iw i yi-sselmedn agani arɣuyen i issekwen tidi-w m' i ghubb waḍu n ccḥani ineẓman yezzmen temẓi-w m' i ssenɣ anwa i d nekkini

Fell-i, dayen, t-tameddit Ifuk ṭṭmaɛ di lahna Acu lḥiḍ ur d iy-newwit Tugi ad iy-tebru lmaḥna Akka i s-d-cfiɣ i ddunit Zgiɣ megreɣ-d ttḥatit Tagara ur iy-d-ṣaḥ tubbit Mi d-luleɣ i iy-teṭṭef ccaḥna

Yezwi-yi wurrif, dayen, isbek walleɣ-iw utlif, ccib si tura, yesqwecṛ-iyi lḥif, ddiɣ di lebɣi i wasif, laεyub tazzwara, yeffeɣ-iyi wadif, a ttemdarkaleɣ am ukrif, ur d-igwri wara.

Yegla usaɛdi s usexḍi Lemḥibba yefra ssuq-is Yuɣal ddraɛ d lqaḍi Wi' irnan wayeḍ ičča laḥq-is Di lxiṛ wer d-igwri maḍi Cceṛ yettaɣ-ed amḍiq-is Negwra-d di zzman d aqeḥḍi Lukan tengir d lweqt-is

Kifac tqabel lmiεad ya lli ɣeṛṛatu lfanya win ṛahum "Tamud" u "Σad" win ṛah "Ferεun" ṭṭaɣya "Iṛama-Dat-Lεimad" u kul slaṭen ddenya lukan fiha lxiṛ ya εbad ma yheğṛuha l anbiyya